ថ្ងៃចន្ទ ១៣កើត ខែមិគសិរ ឆ្នាំកុរ​ ឯកស័ក ព.ស.២៥៦៣ ត្រូវនឹងថ្ងៃទី១៣ ខែធ្នូ ឆ្នាំ២០១៩ កម្មវិធីទិវាប្រមូលផលអំពៅស្ករឆ្នាំ២០១៩ បានប្រព្រឹត្តទៅ ដោយមានការអញ្ជើញចូលរួម លោក ខាន់ សំបាន ប្រធាននាយកដ្ឋានដំណាំឧស្សាហកម្ម នៃអគ្គនាយកដ្ឋានកសិកម្ម លោកប្រធាន អនុប្រធានមន្ទីរ នឹងមន្ត្រីកសិកម្មខេត្ត ស្រុក  លោកតំណាងសាលាខេត្ត  លោកអភិបាលស្រុកស្វាយទាប  លោកមេឃុំទាំង០៤  មន្ត្រីសមត្ថកិច្ចពាក់ព័ន្ធ ព្រមទាំងប្រជាពលរដ្ឋចូលរួមសរុប ជាង ៤០០នាក់ នៅភូមិត្រពាំងតាអី ឃុំព្រៃតាអី​ ស្រុកស្វាយទាប។

កម្មវិធីទី០២៖ ក្រុមការងារ បានបន្តកិច្ចប្រជុំពិភាក្សា អំពីនីតិវិធីបែបបទនៃការដឹកជញ្ជូនផលិតផលអំពៅទៅកាន់រោងចក្រ រវាងក្រុមហ៊ុន នឹងលោកអគ្គនាយករងរោងចក្រស្ករ TTC ខេត្តតៃនិញ ប្រទេសវៀតណាម។ គួរអោយកត់សម្គាល់គឺ តម្លៃអំពៅវត្ថុធាតុដើម ឆ្នាំ២០១៩ ធ្លាក់ចុះខ្លាំងប្រមាណ​30-32 $/តោន ប្រហាក់ប្រហែលនឹងឆ្នាំ២០១៨ បើធៀបនឹងឆ្នាំ២០១៧ មានតម្លៃ 40$/តោន (កម្រិតជាតិស្ករ 10 ccs) បង្កផលប៉ះពាល់ធ្ងន់ធ្ងរដល់ផែនការផលិតកម្មរបស់ខេត្តនាឆ្នាំ២០២០ ខាងមុខនេះ។