នាព្រឹកថ្ងៃអង្គារ ២ រោច ខែមាឃ ឆ្នាំខាល ចត្វាស័ក ពស ២៥៦៦ត្រូវនឹងថ្ងៃទី០៧ ខែកុម្ភៈ ឆ្នាំ២០២៣

មន្ទីរកសិកម្មរុក្ខាប្រមាញ់  និងនេសាទខេត្តស្វាយរៀង លោក ប៉ែន ចាន់ធី ប្រធានការិយាល័យផលិតកម្ម និងបសុព្យាបាលខេត្ត និងលោក ប៉ា សុភី អនុប្រធានការិយាល័យផលិតកម្ម និងបសុព្យាបាល  បានសហការណ៍ជាមួយការិយាល័យកសិកម្ម ធនធានធម្មជាតិ និងបរិស្ថាននៃរដ្ឋបាលស្រុកស្វាយទាប បាននាំយកវ៉ាក់សាំងប្រគល់ជូន ការិយាល័យកសិកម្មធនធានធម្មជាតិ និងបរិស្ថាន ស្រុកស្វាយទាប ។ វ៉ាក់សាំងសរុប2,000កំរិត ដុំពកស្បែកចំនួន400កំរិត ដើម្បីធ្វើយុទ្ធនាការចាក់វ៉ាក់សាំងការពារជំអឺអុតក្តាមគោ ក្របី ជូនប្រជាពលរដ្ឋនៅក្នុងស្រុកស្វាយទាប។

 និងបានចូលរួមចាក់វ៉ាក់សាំងការពារជំងឺអុតក្ដាមគោ ក្របី បានចំនួនសរុប១៤៧ក្បាល/ក្របី២៥ក្បាលគោ១២២ក្បាល ស្មើរនិង១៥គ្រួសារ  ស្ថិតភូមិកំពោតទូក  ឃុំគគីសោម  ស្រុកស្វាយទាប។ លោកប៉ែន ចាន់ធី ប្រធានការិយាល័យផលិតកម្ម និងបសុព្យាបាលខេត្ត  បានមានប្រសាសន៍ពន្យល់ណែនាំពីវិធានការការពារជំងឺអុតក្ដាមគោ ក្របី ដល់ប្រជាពលរដ្ឋ៖

•   ត្រូវប្រញាប់រាយការណ៍ជូនមន្ត្រីបសុពេទ្យ ឬភ្នាក់ងារសុខភាពសត្វភូមិដែលនៅជិតអ្នក បំផុតនៅពេលមានឆ្លងជំងឺអុតក្ដាម
•   ត្រូវបំបែកសត្វឈឺចេញពីហ្វូង
•   ត្រូវធ្វើអនាម័យកន្លែងចិញ្ចឹមជាប្រជាំថ្ងៃ
•   ហាមចលនាសត្វចេញ ចូលឬឆ្លងកាត់តំបន់ផ្ទុះជំងឺ
•   វិធានការដែលមានប្រសិទ្ធភាពបំផុតក្នុងការការពារកុំឲ្យគោក្របី កើតជំងឺអុតក្ដាម គឺយើង ត្រូវតែចាក់វ៉ាក់សាំងការពារ ឲ្យបានទៀតទាត់តាមប្រតិទិនចាក់ថ្នាំការពារ វ៉ាក់សាំង ការពារជំងឺអុតក្ដាមគោ ក្របី។