នៅព្រឹកថ្ងៃទី២០  ខែឧសភា ឆ្នាំ២០២៤ លោកសុខ សុទ្ធាវុធ ប្រធានមន្ទីរកសិកម្មរុក្ខាប្រមាញ់ និងនេសាទខេត្តស្វាយរៀង និងសហការី បានអញ្ជើញចូលរួមក្នុងពិធីទិវាជាតិនៃការចងចាំ ស្ថិតនៅបរិវេណស្តូបគោរពវិញ្ញាណខ័ន្ត ភូមិតាណរ សង្កាត់ស្វាយតឿ ក្រុងស្វាយរៀង ខេត្តស្វាយរៀង  ក្រោមអធិបតីភាពឯកឧត្តម ប៉េង  ពោធិ៍សា  អភិបាលខេត្តស្វាយរៀង

ពិធីនេះមានការអញ្ជើញចូលរួមពីលោកស្នងការនគរបាលខេត្ត  លោកមេបញ្ជាការរងកងរាជអាវុធហត្ថខេត្ត លោកមេបញ្ជាការរងតំបន់ប្រតិបត្តិការសឹករងស្វាយរៀង លោក លោកស្រី ប្រធានមន្ទី-អង្គភាពនានាជុំវិញខេត្ត  លោកអភិបាលក្រុងស្វាយរៀង  ប្រជាពលរដ្ឋ លោកគ្រូ  អ្នកគ្រូ  សិស្សានុសិស្ស ព្រះសង្ឃ និងកងកម្លាំងប្រដាប់អាវុធទាំងបីសរុបចំនួន៨៦៩អង្គ/នាក់។

មានប្រសាសន៍ទៅកាន់ពិធីនេះ  ឯកឧត្តមបានថ្លែងនូវខ្លឹមសារសំខាន់ៗដើម្បីរំលឹកនូវប្រវត្តិសាស្ត្រដ៏ជូរចត់របស់ប្រជាជនកម្ពុជា ក្រោមរបបកម្ពុជាប្រជាធិបតេយ្យ ហើយក៏ជាសារមួយនៃការចងចាំដល់ប្រជាពលរដ្ឋកម្ពុជារួមមាន÷

 ១. ប្រឆាំងដាច់ខាតចំពោះពួកជ្រុលនិយមមួយចំនួនដែលល្មោភអំណាច និងបំភ្លៃប្រវត្តិសាស្ត្រពិសេសទិវាជ័យជម្នះ៧មករា។

  ២. ចងចាំជានិច្ចនូវសោកនាដកម្មរយៈពេល ៣ឆ្នាំ ៨ខែ និង២០ថ្ងៃដែលបានប្រព្រឹត្តឡើងដោយពួកប្រល័យពូជសាសន៍ប៉ុលពតមកលើប្រទេសកម្ពុជា។

 ៣. ប្រែក្លាយស្មារតីចងកំហឹងឈឺចាប់ទៅជាការខិតខំប្រឹងប្រែងការពារ ស្ថាបនាមាតុភូមិកម្ពុជាឱ្យកាន់តែសម្បូរសប្បាយ និងរីកចម្រើនរុងរឿងជានិរន្តន៍  ក្រោមការដឹកនាំរបស់រាជរដ្ឋាភិបាល។ 

៤. ដឹងគុណជានិច្ចដោយមិនអាចបំភ្លេចបាននូវទិវាជ័យជម្នះ៧មករា ១៩៧៩ ដែលជាថ្ងៃរំដោះប្រជាជនកម្ពុជាទូទាំងប្រទេសឱ្យរស់រានមានជីវិតឡើងវិញ។

 ៥. ពង្រឹងពង្រីកសាមគ្គីភាពផ្ទៃក្នុងឱ្យរឹងមាំ និងប្តេជ្ញាឈរលើគោលនយោបាយ  យុទ្ធសាស្ត្របញ្ចកោណរបស់សម្តេចធិបតី  ហ៊ុន  ម៉ាណែត ព្រមទាំងត្រៀមខ្លួនជានិច្ចចូលរួម និងអនុវត្តសំដៅការពារឯករាជ្យ សន្តិភាព  ប្រជាធិបតេយ្យ អព្យាក្រឹត និងវឌ្ឍនភាពសង្គម។

ឯកឧត្តមអភិបាលខេត្តបានធ្វើការផ្តាំផ្ញើរដល់ក្មួយៗសិស្សសាលា ត្រូវខិតខំប្រឹងប្រែងសិក្សារៀនសូត្រ   ស្តាប់បង្គាប់ឪពុកម្តាយ  ចំពោះឪពុកម្តាយ ត្រូវបន្តចូលរួមផ្សព្វផ្សាយនិងអប់រំកូនចៅ ត្រូវជៀសឲ្យឆ្ងាយពីបញ្ហាគ្រឿងញៀន  បញ្ហាក្មេងទំនើង  ក្នុងនោះការបើកបនៅលើដងផ្លូវ  ត្រូវមានកា រប្រុងប្រយ័ត្ន  និងគោរពច្បាប់ចរាចរណ៍អោយបានត្រឹមត្រូវ។